Masa të rrepta janë marrë nga policia lidhur me protestën e sotme të opozitës që nis zyrtarisht në orën 18.
Përveç rrethimit të godinë së kryeministrisë para së cilës do zhvillohet protesta, numrin e efektivëve më terren, pranisë kamerave të sigurisë e makinës ujëhedhëse, kontrolle të ashpra po zhvillohen edhe në rrugët hyrëse për në Tiranë.
Forca të shumta policore po kryejnë kontrolle të ashpra dhe ndalim të protestuesve në dalje të Elbasanit, të cilët po shkojnë në drejtim të Tiranës, për të marrë pjesë në protestën e Opozitës së Bashkuar në Tiranë, raporton “TPZ”, që ka shpërndarë edhe pamje nga kontrollet.
