Ndeshja mes Standard Liege dhe Anderlecht u ndërpre vetëm pas 30 minutash lojë për shkak të hedhjes së flakandantëve nga tifozeria mike.
Ecuria negative në këtë sezon nuk është kapërdirë mirë nga tifozët e Anderlecht, të cilët nuk janë përmbajtur, duke i vënë zjarrin stadiumit.
Ngjarja e rëndë ndodhi në stadiumin e Liezhit. Vetëm pak minuta pasi Anderlecht kishte pësuar golin e dytë të ndeshjes, ultrasit e gjigantit belg nuk duruan më, teksa dogjën disa nga shkallët e stadiumit “Maurice Dufrasne”.
Kaosi detyroi skuadrat që t’i drejtoheshin dhomave të zhveshjeve, me kryesorin që i dha fund takimit, duke e shtyrë për një datë tjetër. Gjithsesi pritet një vendim nga Komisioni i Disiplinës, e cila do të vendos se kur do të nis pjesa tjetër e ndeshjes.
https://youtu.be/p4SU7vp2Yzo
