Policia e Fierit ka arrestuar një 31 vjeçar pasi u kap me 19 doza heroine.
Sipas policisë, shtetasi Olsi Gjoka, 31 vjeç, banues në lagjen “Loni Dhamo” të Lushnjes u arrestua në flagrancë falë operacionit antidrogë të koduar “RED”. Në bazë të informacioneve të marra në rrugë operative dhe pas një pune të mirëorganizuar nga Specialistët për Hetimin e Narkotikëve në Drejtorinë Vendore të Policisë Fier, u bë i mundur finalizimi me sukses i kapejes së të riut.
“Arrestimi i këtij shtetasi u bë pasi i’u gjetën dhe sekuestruan në cilësinë e provës materiale 19 doza lëndë narkotike e dyshuar heroinë” thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhim dhe shitje e narkotikëve” dhe “Nxitja për përdorimin e drogës”.
