Avokati Ledio Braho ka zbuluar se gjykatësi paraprak i çështjes “Babale” vendosi gjykimin veçmas të Fredi Alizotit nga tre peronat e tjerë të marrë të pandehur. Sipas tij, vendimi është në kundërshtim me ligjin.
“Ajo që ishte sot e padëgjuar më parë dhe krejtësisht në kundërshtim me procedurën penale ishte fakti që gjyqtari i seancës paraprake pavarësisht se s’merr dot vendim për kërkesën për gjykim të shkurtuar, thjesht e pranon atë si kërkesë, në lidhje me të pandehurin Friedi Alizoti, i cili nëpërmjet avokatit të tij kërkoi gjykim të shkurtuar, gjyqtari vendosi veçimin e çështjes, pra ai do të gjykohet veçmas sipas gjyqtarit”, tha Braho në një intervistë për “Fax Web”.
“Ajo ç’ka ishte problematike dhe për ne ishte në kundërshtim me ligjin është fakti që gjyqtari vendosi që pavarësisht këto katër të pandehurit akuzohet se në bashkëpunim kanë kryer veprën e kallëzimit të rremë, gjyqtari vendosi që për të pandehurin Fredi Alizoti ta veçoje çështjen. Kjo do ta bëjë shumë të vështirë gjykimin e çështjes ndërkohë që ai do gjykohet veçmas dhe tre të pandehurit e tjerë veçmas”, tha Braho në një intervistë për “Fax Web”. /bn/
LEXO EDHE – Çështja “Babale”/ Avokati: Krahas Fredi Alizotit, do thërrasim dëshmitar dhe Edi Ramën
LEXO EDHE – Avokati: Policia ka dhënë shuma parash për dëshmitarin e rremë
