Një shqiptar 45 vjeç është ndaluar nga policia në zonën e Casal Bruciato të kryeqytet italian Romë, pasi akuzohet se ka tentuar të qëllojë me thikë një 40-vjeçar. Lajmin e raportojnë këtë të premte mediat italiane, që shkruajnë se shqiptari e akuzonte burrin tjetër si të dashurin e bashkëshortes së tij.
Agjentët, gjatë një patrullimi në zonë, kanë dëgjuar të bërtiturat që vinin nga ofiçina ku ndodheshin dy vurrat dhe kanë ndërhyrë duke ndaluar shqiptarin para se të godiste tjetrin me thikë.
Shqiptari i ndaluar, identiteti i të cilit nuk bëhet me dije, ka precedentë të mëparshëm penale për shpërndarje droge, vjedhje dhe mashtrim. Pas ndalimit, është proceduar në gjendje të lirë.
