Gjatë ditës së sotme familja e Admir Muratajt organizon ceremoninë mortore të tij. Ndërkohë që në qytetin e Tropojës janë mbledhur qindra persona për ti dhënë lamtumirën e fundit personit që akuzohet se është koka e grupit që kreu mega-grabitjen e 10 milionë euro në Rinas gjatë ditës së martë.
Lajmin për ceremoninë mortore e ka dhënë vetë vëllai i tij, Ilir Murataj, poshtë postimit të të cilit nuk kanë munguar as komentet e ngushëllimeve.
Ndër më shumë se 500 komente, ai që binte në sy është ai këngëtares së njohur nga Tropoja, Fatmira Breçanit. Ndërkohë që ditën e djeshme vëllait të Admitit i komentoi edhe Sali Lushaj.
