Ministrja e Infrastrukturës, Belinda Balluku, është përplasur mbrëmjen e sotme me drejtuesin e ‘Opinion’ Blendi Fevziu.
Gjatë intervistës Fevziu ka ndërhyrë disa herë me pyetje për të mësuar më shumë rreth interesit që ka publiku, se e kujt është përgjegjësia për vjedhjen e 10 milionë eurove në Rinas.
Ballukut nuk i pëlqyen pyetjet e Fevziut dhe ju drejtua me një ton të ashpër.
‘Keni bërë gabim që më keni ftuar se po bëni një monolog. Nëse koncesionari ka shkuar keq atëherë kush e ka përgjegjësinë. Shtetit i është dashur të matet për shkak të kontratës koncesionare se pse nëse ndërmarrim masa drasktike shteti do të ketë pasoja financiare’, iu drejtua Balluku-Fevziut.
