Është luajtur java e parë e fazës së katërt të Kategorisë Superiore. Në këtë fazë, çdo ndeshje është si një finale për çdo ekip që nuk e ka siguruar ende titullin kampion, një vend në kupat e europës apo mos rënien nga kategoria.
Lufta për titullin kampion duket se ka mbetur vetëm mes dy ekipeve, Partizanit dhe Kukësit, me kryeqytetasit më të avantazhuar pasi ndodhen 9 pikë larg veriorëve dhe duken më pranë, por e sigurt është se të dy ekipet do të na përfaqësojnë në kupat e europës këtë sezon.
Por kampionati jonë përfaqësohet me katër ekipe në kupat e europës, tre vendet e para dhe fitues i kupës. Dhe kemi një luftë të ashpër se cili ekip do të pozicionohet në vendin e tretë mes Flamurtarit (44 pikë), Teutës (43 pikë), Laçit (41 pikë) dhe Skënderbeut (40 pikë), me korçarët që presin një përgjigje pozitive nga CAS.
Skënderbeu ka dhe mundësinë përmes Kupës së Republikës. Në fazën gjysmë finale kemi çiftet Kukësi-Tirana dhe Luftëtari-Skënderbeu. Fituesi i këtij trofeu do të marrë pjesë në kualifikueset për Europa League. Por, në qoftë se fitues është Kukësi, atëhere në kualifikueset për Europa League do të marrë pjesë vendi i katërt në kampionat.
Të presim dhe të shohim këtë “luftë” interesante se cilët ekipe do të arrijnë të triumfojnë të marrin pjesë në kupat e europës./BoldNews
