Mjaftuan disa ditë me rreshje të dendura shiu dhe kryeqyteti që sipas kreut të bashkisë ka fituar dhjetra çmime ndërkombëtare për infrastrukturë, është përmbytur. Nuk bëhet fjalë për rreshjet por për ujrat e zeza që kanë shpërthyer në disa lagje të Tiranës.
Shumë prej pusetave në kryeqytet kanë dalë jashtë funksioni duke shkaktuar jo vetëm dëmtime të trotuareve dhe vështirësi në kalimin e qytetarëve, por edhe një aromë krejtësisht të pakëndëshme për banorët.
Fotot që po shihni i përkasin zonës së Kinostudios në Tiranë. Shumë pranë qendrës së Tiranës, qytetarët duhet të ecin mes ujërave të zeza, që kanë shpërthyer nga kjo pusetë.
Ndërkohë, pushteti vendorë e ka lënë prej vitesh në harresë këtë cështje duke u fokusuar më së shumti tek lejet e dnërtimit dhe kullat shumëkatëshe që i kanë zënë frymën gjithë qytetit.
