Nuk ka rezultuar ashtu siç pritej gara e Daniell Godellit, në kampionatin Europian të peshëngritjes. Pritshmëritë ishin të mëdha, por shqiptari është tërhequr nga gara, pasi dështoi në tre provat e para të stilit të shkëputjes dhe rrjedhimisht nuk merr pjesë në dygarësh.
Godelli e nisi menjëherë me peshen e 160 kilogramëve, duke bërë diferencën. Në provën e parë ai dështoi dhe kështu duke dashur të bëj më të mirën ka shtuar një kilogramë, por as aty nuk ka arritur të çoi peshën.
Me provën e tretë si shansin e artë, Godelli ka tentuar të bëj më të mirën, por as këtë herë nuk e ka çuar dot peshën e 161 kilogramëve.
Nga ana tjetër Erkand Qerimaj, ka marrë medalje të bronxtë, pasi kishte ngritur 159 kilogramë në baterinë B.
PROVAT E DANIEL GODELLIT:
Prova e tretë shkëputje :
Godelli dështon sërish me 161 kilogramë. Asnjë provë e kaluar për peshëngritësin sqhiptar
Prova e dytë shkëputje:
Godelli dështon në provën e dytë me 161 kilogramëve
Prova e parë shkëputje:
Godelli në provë e parë në stilin e shkëputjes ka dështuar të çoj peshën e 160 kilogramëve.
