Edhe pse Admir Murataj ishte prej më shumë se një viti në kërkim nga policia, kjo e fundit as nuk dënjonte të bënte një kontroll apo verifikim të pasurisë së tij. Edhe pse dihej se pasuriar e një njeriu në kërkim nuk ka asgjë të ndershme, ish-kryeministri Berisha deklaron se kjo është bërë për shkak të grabitjes.
Teksa ka publikuar një foto të vilës së tij, Berisha shton se kjo pasuri nuk i prekej pasi po përgatiste vjedhjen elektorale të radhës.
“Ishte gjasme ne kerkime per vjedhje te medha parash te meparshme. Por pasuria nuk i prekej se do pregatiste vjedhjen elektorale te radhes. Nje falenderim mediave greke qe njoftuan shqiptaret se i vrari ishte Murataj perndryshe do mbetej mister ne arkivat e narkopartise”, shkruan Berisha.
Një grabitje spektakolare ka ndodhur pasditen e djeshme në pistën e aeroportit të Rinasit, ku u vodhën 10 milionë euro. Një makinë pa targa mbi të cilën shkruhej “Hetimi Tatimor” vodhi shumën e parave që do të transportohej në më pak se 2 minuta. Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit dyshohet se ka pasur edhe një shkëmbim zjarri mes autorëve dhe policisë, ku ka mbetur i vrarë Admir Murataj, i cili njihet si ‘truri’ i grabitjeve. Gjatë grabitjes, Murataj mbante veshur një maskë.
