Ai njihet si një ndër aktivistët më të flaktë në rrjetet socialem ndërkohë që memet e tij kanë bërë xhiro në rrjet për një kohë të gjatë. Prej më shumë se një viti është kritiku më i madh i qeverisë Rama por njëkohësisht edhe humori më pikant që mund të hasësh në Facebook, përmes memeve.
Në një prononcim për Faxweb.al Sejko ka treguar se faqen në Facebook ia kanë bllokuar për 30 ditësh, ndërsa shton thotë se arsyeja është një foto, që ai mendon e “i ka djegur” qeverisë.
“Ma kanë bllokuar faqen për 30 ditë, njësoj si masë “paraburgimi” 30 ditor. Bllokimi ka ndodhur për një foto të postuar një vit më parë në profilin tim”, – tha ai.
“Në foto dukej kryeministri Rama, për një muaj nuk postoj dot asgjë, as një mesazh inbox”, – është shprehur Sejko, me të cilin duhet thënë se janë sensibilizuar një numër shumë i madh aktivistësh.
