Pas disa ditësh të mbushura me dilema, Skënderbeu duket se zgjidh në mënyrën më të mirë të mundshme problemet në formacion për sa i përket ndeshjes me Partizanin.
Në kushtet kur bardhekuqtë rrezikonin që të kishin mbi katër mungesa në ndeshjen ndaj Partizanit, stafi ka mundur të rikuperojë pjesën dërrmuese të titullarëve.
Sido që të shkonin punët, Marko Radas do të ishte titullar në fushë dhe kështu ka për të ndodhur ditën e sotme ndaj Partizanit. Në portë, Dajsinani dhe pas tij do të vendoset dyshja e qendrës Radas dhe Sambou në prapavijën bardhekuqe. Vangjelit i duhet të shtrëngojë dhëmbët për krahun e djathtë, ndërsa Abazi do të rikthehet si mbrojtës i majtë. Në mesin e fushës, Dita do të bëjë ekranin, ndërsa Muzaka dhe Pervan do të jenë në mesin e fushës bashkë me të. Në krahët e sulmit Gripshi dhe Bregu do të mbështesin Krasniqin në majë. Mungesa mbeten Sibo dhe Taipi. /Panorama Sport/
