Bahri Musabelliu, Rektopri i Universitetit Bujqësor të Tiranës, ka pasur një përballje me kryetarin e Bashkisë së Tiranës, Erion Veliaj.
Debati po zhvillohet lidhur me një projekt për ndërtimin e një shkolle brenda ambjenteve të fidanishtes së Universitetit Bujqësor të Tiranës.
Musabelliu ka këmbëngulur se ndërtimi i kësaj shkolle cënon hapësirën e korpusit, ndërsa Kryebashkiaku Veliaj nga ana tjetër shfajësohet me faktin se i njëjti projekt është parashikuar edhe nga Partia Demokratike.
“Ajo që lëxoj në mediat sociale ku thuhet se janë ndërtuar 200 ndërtesa, ju zoti kryetar duhet të dini për shkak të master plani në Ubt janë prishur 14 kafene dhe në atë territorr dhe nuk do gjeni asnjë ndërtesë se janë prishur nga INUK.
Kam komunikuar me Dallëndyshe Bicin po asnjëherë persnalisht me ju, nëse Bici është në varësinë tënde unë tërhiqem. Nëse do të na kishit thënë kohë më parë që këmi nevojë për ta ndërtuar këtë shkollë, do të kishim diskutuar. Të gjithë pedagogët dhe studentët janë pro ndërtimit të shkollës, po jo në vendin që keni vendosur ju, se aty do ndërtohet fakulteti Bioteknologjik dhe i Ushqimit.
Ne nuk jemi gurë varri që ju vendosni pa pyetur. Unë kam mbirë në shkollë, jam gjithë ditën e pranishëm aty. Kam lënë mënjanë familjen time, ne kishim bërë një projekt për shpronësimin e këtij territory. Unë kam vajtur në kadastrën e Këshillit të qarkut dhe jam informuar për këtë territor. Kjo zonë prej 12 hektarësh është tokë premtore, tani ka marrë emertimin e ri tokë arsimore që se kam dëgjaur asnjëherë. Ai pronari mud të bëjë një ndërtim tjetër pasi të mbaroni ju ndërtimin e shkollës.
Shkolla duhet të spostohet, duhet të spostohet në një vend që s’ka lidhje me hyrjen në Universitet. Zoti Kryetar nëse je me idenë e mbështetjes së Kampusit duhet ta spostoni shkollën, mos bëni gjë që mund të jetë shumë e keqe për gjithë Shqipërinë”, u shpreh Musabelliu në fjalën e tij.
Ndërkohë kryetari i Bashkisë së Tiranës e ka nisur fjalën e tij duke diskutuar për historinë e kësaj prone, teksa ngacmoi dhe Jamarbër Malltezin, i cili tashmë si pedagog është kundër ndërtimit të kësaj shkolle që dëmton fidanishten.
“PD në 2006 ja ka dhënë këtë tokë pronarëve. Ka 13 vjet që e ka i biri botës. Qetësohu, dëgjo fabulën, mblidh veten. Ka 13 vite që kjo tokë nuk është e Universitetit. Jam shumë i ftilluar, dukem naiv vetëm në televizor. Thuajani Jamarbërit kur të pini kafen nesër në mëngjes. Qetësohu dhe më dëgjo! Edhe me bërë pak humor nuk është keq.
Komunitetin këtu nuk i them dot që nuk bëjmë dot shkollë se në 1979 këtu dikush ka pasur vreshta rrushi, se kjo është qesharake, e keni kthyer në punë rrushi. I kam shkruar rektorit 2 herë por nuk më ka kthyer përgjigje. Kam bërë shumë punë në UBT.
Thuaj çfarë të duash, po unë jam i kalitur, sa halle zgjidh në ditë unë! Nuk ke moshë që të gënjesh publikisht, të kam kontaktuar dy herë, dhe nuk më je përgjigjur. Nëse doni të testoni dashurinë time për UBT-në, atëherë shihni punët që unë kam bërë aty.
Jamarbër Malltezi këtu e ka përcaktuar ndërtimin e shkollës se pati cipë pati limit. Në të njëjtën vend e ka projektuar dhe Bashkia e Tiranës. E vetmja e vërtetë që tha rektori ishte që vreshti ka qenë aty në 69-tën”, tha Veliaj në fjalën e tij.
Kujtojmë se pas nisjes së protestave të studentëve, për koiçidencë apo jo, rektori Musabelliu është vënë nën hetim nga ana e Prokurorisë së Tiranës, nën akuzën e abuzimit me fondeve.
