Ka përfunduar takimi i zëvendës Ndihmës Sekretari i Departamentit të Shtetit, Matthew Palmer me kryetarin e Partisë Demokratike Lulzim Basha. Takimi ka zgjatur rreth një orë dhe asnjë prej tyre nuk ka dhënë prononcim për mediat.
Basha, pas takimit me dyer të mbyllura në zyrën e tij në selinë blu, e përcolli Palmer jashtë, teksa shoqërohej edhe nga ish-deputetët Aldo Bumçi dhe Oerd Bylykbashi.
Menjëherë pas përfundimit të takimit, Palmer është nisur për në zyrën e Monika Kryemadhit ku do të zhvillojë një bisedë dhe me të. Palmer deri tani nuk ka komentuar asnjë nga takimet që ka zhvilluar me liderët politikë.
Paraditen e sotme Palmer zhvilloi një takim me një grup gazetarësh në ambientet e Ambasadës Amerikane në Tiranë, takim që zgjati rreth 60 minuta. Pas takimit, ai tha se qeveria është legjitime dhe ka bërë thirrje opozitës që të marrë pjesë në zgjedhje.
Një ditë më parë, u takuar me kryeministrin Edi Rama.
