Andi Përmeti, kandidat për deputet i PD në Qarkun Korçë në zgjedhjet e fundit parlamentare, ka dorëzuar në KQZ formularin e vetdeklarimit, duke i hapur rrugë kështu pranimit të mandatit të deputetit.
Deri tani nga katër deputetë që ka PD-ja në Korçë, tre prej tyre janë zëvendësuar. Në fillim ishte Ligoraq Karamelo, pastaj Arlind Çarçani dhe tani Andi Përmeti që pranon mandatin.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet e fundit parlamentare. Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /BN/
*KQZ i jep mandatin edhe dy deputetëve të rinj/ Emrat
