Përfaqësuesi i aktores Jennifer Aniston ka mohuar raportet në SHBA se aktorja 47-vjeçare ishte shtatzënë.
Aktorja u martua me Justin Theroux vitin e kaluar.
“Ajo nuk është shtatzënë,” tha zëdhënësi i Aniston të mërkurën, sipas “New York Post”, duke shtuar se ishte “vetëm edhe një pretendim i rremë” në lidhje me aktoren.
Revista “InTouch” më herët të mërkurën citoi një mik të paidentifikuar të çiftit, duke thënë se Aniston ishte shtatzënë.
“Ajo dhe Justin janë në ekstazë. Jen prej vitesh kërkonte të kishte një fëmijë me Justin”, u citua të ketë thënë ai.
Aniston, ka qenë e martuar me aktorin Brad Pitt, me të cilin u divorcua në vitin 2005.
Burimi: The Telegraph
