Detaje të reja bëhen me dije nga episodi i një dite më parë, në Petrelë të Tiranës, ku një vajzë 29 vjeçe është ngacmuar seksualisht.
Për “Boldnews.al“, burime nga policia lokale bënë me dije se ka dyshime se dy vajza, shoqe me njëra-tjetrën, ishin duke lëvizur me biçikletë, kur pranë tyre janë afruar dy djem me motor. Një prej tyre dyshohet se ka ngacmuar një prej vajzave, Kjo e fundit është shqiptare me shtetësi amerikane.
Pas kësaj, vajzat janë larguar dhe e dëmtuara ka bërë kallëzim në stacionin policor në Farkë, shtuan të njëjtat burime.
Kjo ka vënë në lëvizje policinë që ka bërë arrestimin e dy djemve, Gesjon Gjoshi, 24 vjeç dhe Artur Hyka, 19 vjeç.
Ndihmesë në ndalimin e tyre, ka dhënë dëshmia e vajzave në polici, që ka formuar targat e motorit me të cilin lëviznin dy djemtë. /Boldnews.al/
