Një 37-vjeçar shqiptar është vënë në pranga në Modena, pasi është kapur me një sasi kokaine, raportuan këtë të hënë mediat italiane.
Valentin Tuku, 37 vjeç, është në pranga mëngjesin e së dielës. Tuku banonte prej kohësh në shtetin fqinjë dhe ishte i ‘pastër’ penalisht.
Ai u ndalua fill pasi doli nga banesa. Gjatë kontrollit, efektivët e policisë i gjetën në çante 1 kg kokainë. Më pas, në garazhin që përdorte shqiptari, u gjetën edhe dy kg kokainë, në skuterin e 37-vjeçarit. Nëse shitej në doza të vogla, llogaritet se sasia e kokainës do të gjeneronte të paktën 600.000 euro.
Aksioni erdhi pas dyshimeve të policisë se 37-vjeçari ishte kreu i një grupi trafiku droge, tha një zyrtar i policisë lokale.
/Boldnews.al/
