Shtohen ekipet që duan të marrin sulmuesin Mauro Icardi nga Interi në merkaton e verës. Jo vetëm Juventusi dhe Real Madrid për ish-kapitenin e zikaltërve. Tashmë edhe Atletico Madrid po mendon seriozisht për argjentinasin dhe në këtë rast ndikim të fortë mund të ketë trajneri Diego Simeone.
E përditshmja spanjolle “AS” shkruan se Simeone e ka në krye të listës së dëshirave të merkatos emrin e Mauro Icardit, aq më tepër nëse nga ekipi largohen francezi Antoine Griezmann ose Diego Costa, ndërsa Alvaro Morata është drejt rikonfirmimit.
Tek Atletico duan të përfitojnë nga situata jo e mirë e Ikardit tek Interi dhe tashmë kanë nisur kontaktet me bashkëshorten-agjente të tij, Wanda Nara. Juventusi dhe Reali nuk do ta kenë aspak të lehtë për sulmuesin argjentinas, ndërkohë që shanset e qëndrimit tek Interi sa vijnë dhe minimizohen.
