Një ngjarje e rëndë ka ndodhur në orët e para të mëngjesit të sotëm në Pukë ku një shtëpi është djegur duke i marrë jetën çiftit të bashkëshortëve Petrit dhe Dava Ndoj përkatësisht 40 dhe 35 vjeç.
Lidhur me ngjarjen ka reaguar edhje babai i Petrit i cili ka treguar detaje nga ngjarja e rëndë si dhe përkrahjen që i është premtuar nga bashkia e Pukës.
“Tragjedi e madhe, në gjumë kam qenë por e kam dëgjuar zhurmën e tjergullavë që kanë rënë në tokë. Jam ngritur dhe i kam bërë zë djalit, o Pëtrit, o Petrit, o Petrit, por kishte mbaruar, I bëra zë edhe Davës, por edhe ajo kishte mbaruar.
Kemi nxjerr 4 fëmijët në një dhomë tjetër matanë, kanë shpëtuar pa u vrarë. Mua më nxori fare dhe më keq nuk ka. Ka ardhur kryetari i Bashkisë sot dhe ka thënë varrimin do e bëjmë ne dhe shtëpinë për pak ditë e keni të rregulluar. Sa të jem gjallë do të kujdesem për fëmijët”, është shprehur babai i viktimës.
Ndërkohë ka folur edhe vëllai i Petritit i cili ka thënë se pavarësisht përpjekjeve të shumta, nuk kanë mundur t’i shpëtojnë çiftin e bashkëshortëve. Sipas tij, ata janë dekompozuar nga flakët.
“Dihet se tani fëmijët për babë e për nanë janë jetim. Shkathtësia e tyre ka bërë që ata të hapin dyer e dritare dhe të dalin përmes një koteci që kanë psur për drithë dhe janë hedhur. Është ngritur baba duke thirrur vëllain dhe kunatën, por nuk i janë përgjigjur, se unë jetoj në Lezhë.
Kanë njoftuar ambulancën dhe policinë. Ata kanë ardhur dhe kanë bërë gjithçka por pa mundur të shpëtojnë. Është shkrumbuar gjithçka, vëllai dhe kunata janë bërë si me qenë kazan rakie, zi e sterr, s’di ca të them. Apel shtetit për të stabilizuar fëmijët për jetesën që të mos mbeten në qiell të hapur”.
Kujtojmë se ngjarja e rëndë ka ndodhur në lagjen Va Shënkoll të fshatit Breg, rreth orës 02:00 të mëngjesit të kësaj të hëne.
