Qytetarët shqiptarë po përballen çdo ditë e më shumë me dhunën dhe terrorin policor, aq sa kanë frikë të bëjnë dhe denoncime. Një nga studentët që u dhunua gjatë protestës së janarit, ka denoncuar faktin se si policia ka ndryshuar dëshminë.
Në denoncimin e tij studenti thekson se ai ka denoncuar në SHÇBA dhunën e policisë, por kur është thirrur për tu përballur me dëshminë e bërë na policët ka parë se gjithçka ka qenë një mashtrim nga ana e uniformave blu.
Ja çfarë shkruan studenti:
Përshëndetje Lolitë,
Unë jam një nga studentët, që u dhunua nga policia në Fakultetin e Ekonomisë në janar gjatë protestës studentore. Doja të ndaja një shqetësim me ju, po atë ditë që u dhunuam unë bashkë me një student tjetër bëmë denoncim në SHÇBA në lidhje me ngjarjen. Para rreth 2 javësh na kontaktojnë nga SHÇBA-ja dhe na thanë që duhet të shkonim atje se kishim përballje me policët që na dhunuan, shkuam dhe atje u njohëm dhe me dëshminë që kishin bërë policët e cila ishte nga fillimi deri në fund e pa vërtetë. Në dëshminë e tyre ata na kishin nxjerrë ne studentëve si agresorë dhe që ne ishim ata që kishim sulmuar policinë dhe ata skishin bërë gjë tjetër veçse na kishin neutralizuar. Nuk e kuptoj guximin e tyre duke deklaruar këto të pavërteta ku provat janë mjaft të qarta dhe çdo gjë është e filmuar. Kjo ka vetëm një arsye: i kanë krahët e ngrohta. Kemi frikë Lolitë, kemi frikë se e dimë si funksionojnë prokuroritë dhe gjykatat këtu, kemi frikë se kemi të gjithë “sistemin” kundra. Çfarë duhet të bëjnë dy studentë që nuk i kanë krahët e ngrohta kundra këtij sistemi?
