Kishim kohë pa parë “perla” nga ai. Bëhet fjalë për Armando Sadikun, i cili ka arritur të gjejë sot rrugën e rrjetës, pasi ka shënuar një supergol për Luganon në Kampionatin Zvicerian.
Sadiku i siguroi Luganos një pikë shumë të çmuar në transfertën ndaj “gjigantëve” të Bazelit.
Sulmuesi shqiptar u aktivizua si rezervë në këtë takim, ku gjeti për herë të dytë rrugën e rrjetës me Luganon, që prej rikthimit të tij në klub gjatë merkatos dimërore. Një goditje perfekte nga 25 metra nuk i la asnjë shans portierit të Bazelit. Avantazhi i Luganos zgjati vetëm tëtë minuta, pasi vendasit barazuan në minutën e 75.
