Pak orë pas shkarkimit të Ramadan Ndreut, Kukësi ka emëruar trajnerin e ri.
Ernest Gjoka rikthehet në stolin e skuadrës veriore, ndërsa zëvendëson pas vetëm tre ndeshjesh Ndreun.
“Gjoka ka dalë kamipon me Kukësin për herë të parë dhe njeh mirë ekipin dhe klubin e Kukësit.
Objektiva te Klubit dhe të trajnerit të ri mbeten loja e fortë dhe mos heqja dorë nga titulli kampion derisa e lejon matematika dhe fitimi Kupës së Shqipërisë”, thuhet në njoftimin e klubit në rrjetet sociale.
Para disa ditësh shprehej:
I pyetur për trajnerin më të mirë në këto vite, Gjici ka folur për Ernest Gjokën që i dha titullin kampion në vitin 2017 dhe Duron që fitoi Kupën në vitin 2016.
“Ernest Gjoka bëri mirë si puna e “lopës” deri aty dhe aty ku kishte për të hedhur një hap të madh për veten dhe për klubin i ra me shkelm. Erdhi momenti për të bërë hapin e madh, për të kaluar një tur në Champions League.
Ai duhet të bënte mirë për veten e vet, jo për mua. I thash “mos ja lërë penalltinë Pero Pejiç sepse portieri i atyre ishte kroat dhe logjikisht ai e njeh Peron”. Trajnerët nuk mendojnë shumë, janë “kokëvogël”. Unë nuk i thash që të hiqte Peron dhe ta gjuante “x”.
Trajneri e sheh vet se kush është në formën më të mirë. Aty ishte Emini që shënoi dy gola, tani lërja atij, ta humbë. Edhe Messi e Ronaldo kanë humbur penallti. 1.3 milion euro humbëm nga ajo penallti. Gjoka nuk është trajner i keq, por çfarë bëri më pas, mori Vllazninë dhe Kamzën dhe i ul nga kategoria.
Një trajner kampion shkon në ekipet që janë në 3-4 ekipet e para dhe nuk mund ta ulë veten. Kjo ndodh sepse nuk është trajner i madh, nuk e bën dot “vezën e madhe”.
