Nga Boldnews.al
Urdhri ishte i prerë! Hiqjani pelerinën helikopterit Cougar, do niset me një mision sekret të shpejtë dhe fluturimi të ketë sukses. Helikat u rrotulluan rreth vetes dhe në pak minuta në bord mbërriti një “njeri i rëndësishëm”, ishte Edi Rama!
Ndoshta pilotët u ndjenë keq sepse helikopteri brenda nuk kishte komoditetin e duhur, por rasti “emergjent” është më i rëndësishëm se detaji i luksit. Koha nuk qe në favor, pasi Atë e priste një tjetër “burrë shteti”, ai quhet biznesmeni Safet Gjici.
Dekori ishte fantastik, kjo lloj propagande nuk duhej humbur në asnjë mënyrë e për asnjë çmim. Gjiçi kishte mbledhur mijëra qytetarë, nga Kosova, Kukësi, Kamza, Bathorja dhe rrethinat, për t’i bërë pritjen e denjë atij burrit që do mbërrinte nga ajri. E gjitha kjo shfaqje për të prezantuar kampionin e Rilindjes, Safet Gjicin si kandidat i PS-së për kryetar Bashkie…
Por kujdes! Gjithçka në konspiracion të plotë, dukeshin shmangur “armiqtë” që i kishin zënë udhën kryeministrit Edi Rama diku në urën mbi Lumin Drin. Lëvizja taktike këtë herë i eci. Ndërsa banorët të vendosur bllokuan udhën, mbi kokat e tyre fluturoi një helikopter i ushtrisë.
Rama ia arriti qëllimit. Zbriti si personalitet, mbajti një fjalim tërë pompozitet dhe la pas një imazh që vendi nuk e kishte parë kurrë. Është shënjuar edhe një rast tjetër, po me helikopter. Bëhet fjalë për 20 shkurtin 1990, kur minjëra qytetarë të Tiranës dhe studentë u dyndën në Sheshin Skënderbej dhe rrëzuan monumentin e diktatorit Enver Hoxha.
Atë ditë fluturoi me helikopter Ramiz Alia, që zuri vend në një bazë të sigurtë të Dajt. Po Rama çfarë nguti pati, pse po ruhet, përse i “bie nga Kina” për të shkuar në një rreth të Shqipërisë, jashtë Tiranës?
Në mënyrë urgjente, një helikopter “Cougar” i Forcave të Artamtosura u vu në shërbim të kryeministrit. A thua ishte një gjendje lufte. Nga kush ruhet, kujt i shmanget? Popullit të tij, një pjesë edhe ish-vutues të partisë kryeministrore, që sot janë në pikun e zëmërimit.
Këtu nuk ka vend për ndarje krahinore. Rama me protesta dhe bllokim rruge është pritur edhe në Jug të vendit, në Shqipërinë e Mesme dhe kudo tjetër që shkel për shfaqjen e tij groteske “bashkia që duam”.
Por gjithnjë ka gjetur udhë dytësore për të shmangur qytetarët e tij. Ai i quan ata partiakë që rendin pas “liderëve vulëhumbur”. Po fermerëve në Lushnjë, Devollit, e kudo tjetër çfarë do u thotë. Po studentët që e izoluan në rrjetet sociale çfarë ishin?! Protestat po i zënë frymën, ndërsa nuk ka bilance për të treguar kur arroganca qeveritare, korrupsioni i tmerrshëm, lulëzimi i krimit të organizuar, varfëria, papunësia dhe largimet masive të njerëzve janë shkaku i një revolte, ndërsa pasoja është vetëm ai bllokim rruge, që deri më tani është simbolika që po lexohet keq nga pushteti Rilindas.
Edhe sa do zgjasë… Helikopterin e siguroi, tani i nevojitet edhe një motoskaf i fuqishëm për të përdorur edhe detin aty ku është mundësia. Pasi të ezaurojë të gjithë mënyrat për të lëvizur në vendin që drejton çfarë i ka mbetur? Mos ndoshta po bëhet gati një avion çarter qoftë edhe i “flotës Air Albania” me pikënisje Rinas ose Kukës, por pa destinacion ende të saktë zbritës…
