Një ditë pasi konfirmoi Safet Gjicin si kandidatin e PS-së në Kukës në zgjedhjet e ardhshme lokale, kryeministri Edi Rama ka konfirmuar edhe kandidatin për bashkinë Lezhë. Gjatë një takimi me qytetarë në Torovocë të Lezhës, ku reklamoi investimet e rrugës atje, kreu i qeverisë u shpreh: “Zgjidhni Pjerinin kryetar bashkie”.
Pjerin Ndreu shoqëronte Ramën në këtë takim.
Një sinjal për kandidimin e Ndreut në Bashkinë Lezhë u dha dy muaj më parë. Gjatë një takimi në shkurt në Lezhë, Rama mori një propozim për përzgjedhjen e Ndreut si kandidat për këtë bashki.
Pas kësaj, kreu i qeverisë u shpreh: “Në nuk kemi ardhur këtu për të zgjedh kandidatët kështu që mos na fusni në këto situata dhe unë me ty jam, por duhet ta lëmë procesin e përzgjedhjes së kandidateve që të jetë proces për të gjithë në mënyrën se si do të behët që të mos kemi dikush po, dikush jo që tani. Dhe në momentin e duhur të shpallim kandidaturat”. /Boldenws.al/
