Një aksident i rëndë ka ndodhur në Kurbin me pasojë fatale vdekjen e një 40-vjeçare.
Aksidenti ka ndodhur në aksin rrugor të fshatrave Skuraj-Gallatë. Viktima është Vera Gjoka, bëjnë me dije burime zyrtare nga policia.
Viktima ishte pasagjere në mjetin me targë MR2739A, që drejtohej nga bashkëshorti i saj Astrit Gjoka. Ky i fundit ka humbur kontrollin duke dalë nga rruga dhe ka rënë në greminë në shtratin e një përroi.
Për pasojë është aksidentuar Vera Gjoka, e cila është dërguar në spitalin e Traumës në Tiranë ku ka gjetur vdekjen. Drejtuesi i mjetit, Astrit Gjoka, 39 vjeç , banues në fshatin Gallatë në Kurbin, u arrestua në flagrancë.
Nga veprimet hetimore rezultoi se nuk ishte i pajisur me leje drejtimi.
Materialet procedurale u referuan Prokurorisë së Rrethit Gjyqësor Kurbin për veprat penale “Shkelje e rregullave të qarkullimit rrugor” dhe “Drejtim mjeti pa leje drejtimi”.
