Ditën e sotme kanë dalë para Gjykatës vëlla e motër, Armand Lukani dhe Amelda Elezi pasi u kapën me 3 bomba me telekomandë dhe 2.3 kilogramë drogë e llojit hashash. Babai i tyre me lot në sy shprehet se fëmijët i ka të pafajshëm.
Në një deklaratë për mediat, i ati i dy të rinjve, 23 dhe 21 vjeçe, është shprehur se ata janë të pafajshëm dhe se dikush i ka përdorur.
Ai ka thënë se e bija është shtatzënë, ndërsa ka shtuar se nuk ka mundur t’u sigurojë një avokat fëmijëve, pasi gjendja e tyre ekonomike është e vështirë.
“Djali nuk është marrë kurrë më mina dhe lëndë narkotike, punonte në bujqësi. Mendoj e i ka përdorur dikush, sepse nuk kishte ku t’i gjente. Nuk kemi marrë avokat sepse nuk kemi mundësi ekonomike”, është shprehur në lot i ati.
Ndërkohë që Gjykata ka vendosur masën ‘arrest shtëpie’ për vajzën dhe arrest me burg për djalin.
