Në raundin e dytë të Grupit A, “Euro 2016”, Franca do të përballet me Shqipërinë, ndaj së cilës kurrë nuk ka humbur në ndeshjet konkurruese. Shqipëria është më e plotësuar karshi bluve që nga viti 2011. Për herë të pestë në pesë vjet, kombëtarja franceze do të përpiqet të bëjë më të mirën në “Stade Velodrome”, sonte, në orën 21:00.
Kundërshtari luan pa kapitenin Lorik Cana, i dërguar jashtë fushe në ndeshjen e tij të parë të Europianit, kundër Zvicrës. Një fakt që duhet të kthehet në avantazhin e “gjelave”, të cilët kanë gjashtë fitore në gjashtë ndeshjet e fundit të Europianit, që i kanë luajtur në tokën e tyre (5 fitore në “Euro 1984” dhe 1 fitore në “Euro 2016”).
1. Blutë i kanë fituar në masën 100% ndeshjet e tyre konkurruese kundër Shqipërisë (4/4), në kualifikueset e “Euro 1992” dhe “Euro 2012”. Ekipi kombëtar i Francës nuk e ka fituar asnjërën prej dy ndeshjeve të fundit miqësore kundër shqiptarëve (1 barazim dhe 1 humbje). “Shqiponjat” konkurrojnë për herë të parë në finalet e Kampionatit Europian, në historinë e tyre.
2. Shqipëria është ekipi që shënoi më pak gola në kualifikuese, në mesin e 24 skuadrave finalist të “Euro 2016”. 7 gola në 7 ndeshje (në qoftë se hiqni ndeshjen kundër Serbisë, e fituar 3-0 në gjykatë e jo në fushën e gjelbër). Nga këto 7 gola në total, 5 prej tyre janë shënuar kundër Armenisë. Në funksion të këtyre shifrave, mbrojtja dhe portiere francez nuk janë shumë të shqetësuar.
3. Praktikisht, Franca është e pamposhtur në shtëpi. Me kurorëzimin përfundimtar, në vitin 1984, Franca ka fituar gjashtë ndeshjet e saj të fundit të Europianëve në tokën e saj. E njëjta situatë edhe në Stade Velodrome”, ku trengjyrëshit kanë humbur vetëm një nga 11 ndeshjet e fundit, të luajtura në Marsejë (7 fitore dhe 3 barazime). Humbja e vetme është shënuar kundër Argjentinës, në vitin 2009.
4. I kritikuar shpesh, Olivier Giroud është ende njeriu i momentit te blutë. Ai shënoi 8 gola në 6 aktivizimet e fundit për Francën. Ai ka shënuar, po ashtu, në secilën prej gjashtë ndeshjeve të tij të fundit, çka është seria më e mirë e dhjetë viteve të fundit në këtë kombëtare.
5. Sigurisht, Shqipëria ka shënuar vetëm 3 gola në 6 ndeshjet kundër “les blues” dhe asnjëherë nuk ka shënuar më shumë se një gol për ndeshje. Këto tre gola janë regjistruar në rangun e 6 minutave, në mes 40’ dhe 46’. Pra, sikurse shihet, Franca nuk duhet të jetë e shqetësuar më shumë se kaq kundër ekipit modest të Shqipërisë.
