Një shqiptar u vu në pranga një ditë më parë në Itali, pasi u kap me rreth 500 kg drogë. Këtë të enjte, mediat lokale bëjnë me dije se i arrestuari është me iniciale L.R.
Arrestimi
Gjatë ditës së djeshme, Policia arrestoi në sheshin kryesor të Milanos një shqiptar me iniciale L.R. pasi u kap me 453,5 kg marijuanë.
Mëngjesin e djeshëm, forcat e policisë janë vënë në ndjekje të të riut shqiptar 26-vjeçar. Ai u vu në ndjekje nga policia, pasi këta të fundit vunë re se po drejtonte mjetin e tij mbi shpejtësinë e lejuar, duke lëvizur zig-zag dhe duke thyer rregullat e qarkullit. Pas një ndjekjeje të gjatë, policia ka ndaluar të riun në sheshin “Femagosto”. Pas kontrollit të bërë në automjetin e tij, janë gjetur 11 çanta të zeza të madhësive të ndryshme, të gjitha të pajisura me termoizolues në të cilat ishin fshehur 240 lëndë narkotike.
Pas arrestimit të tij, policia ka vazhduar kontrollet e mëtejshme në furgonin që kishte shqiptarit, por edhe në shtëpinë e tij. Pas kontrolleve është gjetur edhe një furgon tjetër në të cilin ishte fshehur një kuti me 215 kg marijuanë.
Sipas dëshmive të të riut, sasia e gjetur në makinat e tij duhej të dorëzohej në provincën e Comos. Efektivët e policisë e kanë arrestuar të riun shqiptar për shkelje të rregullave të qarkullit dhe trafikimin të lëndëve narkotike, Gjithsej janë sekuestruar 453,5 kg marijuanë. /Boldnews.al/
