Një i ri 20-vjeçar, Romario Dardha, dyshohet se ka shtënë me armë në mes të natës ndaj shtëpisë së tij në Ishull Lezhë. Babai i tij, N.D. ishte në gjurmë kur mbi shtëpi iu zbrazën plumba.
Policia arrestoi në flagrancë Romaroi Dardhën, të birin e tij të cilit i gjeti 1 automatik me një krehër me 20 fishekë dhe 1 pushkë.
Sipas Policisë, ai dyshohet se ishte pronari i armëve që ishin të fshehura dhe u zbuluan pas kontrollit të shtëpisë nga “blutë”. Ka qenë babai i Romarios që ka dëgjuar se kur e gjithë familja ishte në gjumë, është gjuajtur me armë zjarri.
Policia po heton për të verifikuar nëse ndonjëra nga këto armë është përdorur për të qëlluar në drejtim të shtëpisë së babait nga Romario si dhe për zbardhjen e plotë të ngjarjes.
Materialet u referuan Prokurorisë së Rrethit Gjyqësor Lezhë për vepren penale “Prodhim dhe mbajtje pa leje të armëve luftarake dhe municioneve” parashikuar nga neni 278/2 i Kodit Penal.
