Nga Boldnews.al
Albert Nushi, nëndrejtori i Policisë së Elbasanit, i njohur edhe si “zari” i delinkuentit Fredi Alizoti, është trimëruar pasditen e së Martës me protestuesit e opozitës që kundërshtonin vizitën e kryeministrit Edi Rama në atë qytet.
Nushi, i cili priste me durim pas “derës së banjës” që të fliste me trafikantin Alizoti, ka kërcënuar me jetë ish-deputetin e Partisë Demokratike, Luciano Boci.
Ish-parlamentari opozitar deklaroi për mediat se është kërcënuar me jetë drejtëpërdrejte nga zv.drejtori i Policisë së Qarkut Elbasan, Albert Nushi.
“Ishte një përplasje fizike me ish-drejtorin e Fierit, atë që paguante Fredi Alizotin, që ka dy akuza të rëndë në kurriz të tij dhe na e kanë sjellë për të pastruar në Elbasan. Ishim në bordurën e urës për protestën tonë. Protesta nuk kishte nisur.
Me atë brutalitetin e tij, na ka kërcënuar me jetë, më ka kërcënuar mua. Nuk është gjë e mirë që e them LIVE, por e vërteta është e vërtetë. Këto janë ato ish-drejtorët që e kap për veshi Fred Alizotin në përgjim dhe bën cubin me qytetarët me ne”, u shpreh ish-deputeti Boci.
Albert Nushi, para se të transferohej në Elbasan, ka qenë drejtor i Policisë së Fierit.
Në atë pozicion, Nushi “u dallua” për dështimin me luftën kundër kultivimit të drogës dhe, sidomos, për përuljen deri në shëmti përballë një trafikanti ordiner, Fredi Alizoti, i cili mori rolin e dëshmitarit të rremë në ccështjen “Babale” për të mbrojtur Agron (Geron) Xhafaj.
Një seri përgjimesh, disa prej të cilave të publikuara ekskluzivisht nga “Boldneës.al”, tregonin se si ky Nushi, i cili u trimërohet protestuesve anti-qeveritarë, sillej si ushtar i bindur përballë Alizotit.
Një prej përgjimeve, ndoshta më pikanti, dëshmon qartësisht për “burrërinë” e këtij zyrtari të lartë policor, i cili ka bërë karrierë duke iu “lëpirë” Fatmir Xhafajt e Saimir Tahiri.
Në një telefonatë “mëngjesore” që shef Nushi i bën trafikantit Alizoti, ky i fundit, me fjalorin që e karakterizon, i thotë serbes: “Nuk flas dot tani se po bëj shurrën. Më merr më vonë”.
Dhe ky Nushi, që sillet forcërisht me opozitën, e pranoi “kushtin” e Alizotit-priti deri sa trafikanti të kryente nevojat personale, ecurinë normalë të të cilave ua ndërpreu telefonata e drejtuesit të lartë policorë.
Shef Nushi, i cili sot duhet të ishte para përgjegjësisë ligjore për “blerjen e dëshmitarit të ccështjës Babale”, është më në formë se kurrë.
Ai i shërbeu me devotshmëri “Rilindjes”, duke sajuar dëshmitar për të mbrojtur Geronin e Fatmir Xhafaj, pavarësisht se u shndërrua në një “leckë” të keqpërdorur nga trafikanti Fred Alizoti.
E, për këtë shërbim, Nushi vijon të jetë në detyrë. Pasi mbaroi “shërbimin” për Xhafajt, tashmë ai është emëruat në Elbasan, ku mund të tregojë devotshmërinë e tij për Taulant Ballën.
