Ambasada amerikane në Tiranë pret më shumë sa i takon ndjekjeve penale. Leyla Moses Ones, e ngarkuara me punë nga SHBA në ambasadën në Tiranë u shpreh këtë të martë se, “presim më shumë sa i takon ndjekjeve penale”.
“Këshilli i Lartë i Prokurorisë do të sjellë së shpejti prokurorët e SPAK, dhe më pas Byronë Kombëtare të hetimit . Prokurorë të Departamentit Amerikan të Drejtësisë po këshillojnë prokurorët shqiptarë të cilët tashmë po sjellin ndjekje penale të dukshme dhe ne presim më shumë”, deklaroi në takimin që u mbajt paraditen e sotme në Ministrinë e Brendshme ku u zhvillua eventi për “Menaxhimin e çështjes”.
Ajo nënvizoi se SHBA do të vazhdojë të mbështesë të gjitha institucionet e reja shqiptare, si këshillat dhe SPAK si dhe institucionet ekzistuese që janë të dedikuara për të luftuar krimin dhe korrupsionin.
