Ish-deputeti i PD-së, Ervin Salianji, tha se prokuroria ka paguar mbi 13500 paund për ekspertët britanikë që kanë bërë ekspertizën e video-përgjimit “Babalja”.
Salianji foli për shkeljet proceduriale në rastin e Babales, ku vartësit e Fatmir Xhafajt, ish-ministër i Brendshëm, kanë marrë provat për Agron Xhafajn, vëllain e atij që ishte ministër.
Ndërsa publikoi një përgjim të ri, mes Alizotit dhe drejtorit të Policisë së Fierit, Albert Nushi, ai kërkon takimin me shefin e tij. Shefi i policisë së Fierit i thotë se shefi i tij është jashtë vendit.
“Përgjimi është bërë më datë 7.6 2018, dhe shefi i Nushit është ose Fatmir Xhafaj ose Ardi Veliu.
Nëse i referohemi dokumenteve, në datat 7-8 qershor ai që ka qenë jashtë vendit është Fatmir Xhafaj”, tha Salianji.
Salianji tha se nën survejimin e policisë janë vendosur edhe gazetarë, vetëm e vetëm se kishin tentuar apo kishin komunikuar me Babalen.
“Kur është bërë denoncimi unë kam ndenjur 72 orë pa gjumë, në selinë e PD-së me gjithë Babalen.
Kemi ccuar njerëz dhe i kemi marrë familjen dhe kur na kanë treguar kërcënimet që kanë marrë, jam shokuar”, tha Salianji.
Përgjimet
Albert Nushi (drejtor Policie): Fredi…
Fredi Alizoti: Përshëndetje, ça bën o? Po ku je o? Unë në kryeqytet…
Albert Nushi (drejtor Policie): Kryeqytet ë??
Fredi Alizoti: Eee A dëgjon? Thuaji çik atij shefit të madh, unë jam ku më le atë natë, ta takoja cik sonte.
Albert Nushi (drejtor Policie): Ca do?
Fredi Alizoti: Ta takoja cik atë shefin tënd
Albert Nushi (drejtor Policie): Po ku je o?
Fredi Alizoti: Ku më le atë natë thash o burr, në kryeqytet… E atje, këtu jam.
Albert Nushi (drejtor Policie): Po shiko mua, nesër në orën 9… Po çne ti, ike direkt?
Fredi Alizoti: O lla unë nuk kam më kthim mbrapa, ato që janë bërë janë bërë. Nuk ka më kthim mbrapa
Albert Nushi (drejtor Policie): Po, pooo
Fredi Alizoti: Merre cik shefin dhe jam këtu lart, e ke parasysh dua ta takoj se s’bën sonte. Sonte se s’bën, gjallë a vdekur.
