Skuadra e Juventus ka mësuar sot një lajm aspak të mirë, pasi mbrojtësi i skuadrës do të mungojë për disa kohë.
I riu Leonardo Spinazzola pritet të mungojë rreth dy javë për skuadrën e tij, sipas raportimeve të ‘Football Italia’.
Spinazzola i cili aktivizohet në krahun e majtë të mbrojtjes ka probleme me gjurin, dhe këto probleme do t’ia pamundësojnë paraqitjet atij.
Mbrojtësi i Juves është paraqitur në ndeshjen e fundit kundër Empolit, por pas ndeshjes Allegri ka treguar se lojtari po vuan nga një lëndim në gju.
Kështu, për ndeshjen e së martës që ‘zonja e vjetër’ e luan kundër Cagliarit në udhëtim, Maxi Allegri nuk do të mund të llogarisë në shërbimet e Leonardo Spinazzola.
