PERDITESUAR/ Kush jane te arrestuarit
Shqiptarët e arrestuar gjatë operacionit antidrogë të koduar “Sfizio” janë Hekuran Vangjelaj 37 vjeç dhe Bektash Kalaj 45 vjeç, raportojnë mediat italiane. Ata u vunë në pranga në Reggio Emilia, shkruan “Stampa Libera”.
***
Goditet organizata kriminale që trafikonte drogë nga Shqipëria në Itali, 9 në pranga
Një organizatë kriminale që merrej me trafik droge nga Shqipëria në Itali është goditur në një aksion të autoriteteve ligjzbatuese italiane, raportuan këtë të hënë mediat lokale.
Antidroga italiane ekzekutoi sot operacionin antidrogë të koduar “Sfizio” i cili çoi në shkatërrimin e një grupi kriminal që trafikonte drogë mes Shqipërisë e Italisë e kryesisht në territorin e provincave të Emilia Romanjës, Abruzzo, Calabria e Messina.
Në pranga janë vënë 9 persona 7 italianë e 2 shqiptarë, emrat e të cilëve nuk janë bërë ene me dije nga mediat italiane.
Ky grup trafikantësh e kishte bazën në Messina e drejtohej nga një familje siçiliane (babai me dy djemtë me inicialet M.A, M.M.A, M.F).
Hetimet kanë zbardhur se ky grup kriminal furnizohej me marijuanë nga trafikantë shqiptarë e abruzesë e më pas me anë të korrierëve të besuar e transportonin drejt Siçilisë.
Gjatë hetimeve Policia italiane ka mundur të sekuestrojë disa ngarkesa droge me sasi 55 kg marijuanë secila e ka vënë në pranga dy korrierë R.G, B.M të cilët me automjetet e tyre transportonin lëndën narkotike.
Droga pasi mbërrinte në Messina, shpërndahej tek korrierët e vegjël lokalë.
Gjatë operacionit “Sfizio”, autoritetet italiane kanë kryer kontrolle banesash e personash në të gjithë Italinë.
9 personat e arrestuar akuzohen për trafik droge e organizim kriminal me aktivitet trafik lëndësh narkotike. /BN/
