Asmer Bilali i cili praj disa muajsh ndodhet në burg, i është dhënë leje sot që të marrë pjesë në varrimin e xhaxhait dhe babit të vrarë një ditë më parë në Shkodër.
Ish-boksieri ka qenë i shoqëruar me forca të shumta policie. Bilalit i ëhtë dhënë leje të qëndrojë dy ditë pranë familjes në këtë moment të vështirë.
Më herët edhe gjyshi i tij bëri dhe një thirrje dhe lutje për shtetin, për të lejuar Asmerin që të qëndrojë dy ditë pranë familjes për të pritur njerëzit, nën shoqërimin e efektivëve të policisë.
“Asmer Bilali është djali i Astrit Bilalit dhe Asmeri është në burg prej disa muajsh. Ai do të jetë vetëm në varrim por ne kërkojmë që të lihet të paktën dy ditë tek banesa e tij për të pritur njerëzit sepse nuk ka askënd.
Vëllai i tij 23 vjeç është shumë i sëmurë dhe nuk është askush tjetër. Shpresojmë që institucionet të vendosin dorën në zemër dhe të na mirëkuptojnë në kërkesën tonë. I falënderojmë që e kanë lejuar të jetë në varrim por kërkojmë të qëndrojë pak më gjatë, të paktën dy ditë dhe normalisht me prezencën e policisë. Për të tjerat shteti të bëjë detyrën dhe nëse ka bërë diçka mund të dënohet por sot i kërkojmë ta lejojnë të paktën dy ditë që të qëndrojë sepse do dalin dy kufoma nga shtëpia jonë”, tha Fahri Vejuka.
