Aktorja Perihan Savaş e serialit “Çukur”, i cili aktualisht po transmetohet në Klan Plus, ndodhet për një vizitë në Shqipëri.
Mbrëmjen e së premtes, aktorja e njohur si Sultan Koçovali është takuar në “Kinema Millenium” me të pasionuar pas roleve të saj.
Para të pranishmëve, Savas tha se ndihet shumë e nderuar që ndodhet në Tiranë, ku kishte ndjerë ngrohtësinë dhe mikpritjen e shqiptarëve.
Vizita e Savas në Shqipëri vjen në kuadër të javës së filmit turk, organizuar nga Instituti Junus Emre.
Po ashtu, në Tiranë ka mbërritur edhe aktori tjetër turk, Gurkan Uygun, i njohur si Memati i serialit “Lugina e Ujqërve”.
