Pas vrasjes së dyfishtë në Shkodër ditën e djeshme, flet gjyshi i Asmer Bilalit. Fahri Vejuka është shprehur se shpreson që shteti të identifikojë autorët si dhe institucionet të bëjnë detyrën e tyre, pasi u është shuar familja.
Ai i ka bërë thirrje shtetit që t’i japë dy ditë leje Asmer Bilalit në prezencën e policisë, pasi nuk ka se kush t’i përcjellë njerëzit.
“Shpresojme qe shteti te gjeje autoret e vrasjes sepse eshte nje ngjarje shume e rende qe ka ndodhur. Pothuajse eshte shuar nje familje pas kesaj ngjarje dhe institucionet do te bejne detyren e tyre per cfare ka ndodhur. Asmer Bilali eshte djali i Astrit Bilalit dhe Asmeri eshte ne burg prej disa muajsh. Ai do te jete vetem ne varrim por ne kerkojme qe te lihet te pakten dy dite tek banesa e tij per te pritur njerezit sepse nuk ka askend. Vellai i tij 23 vjeç eshte shume i semure dhe nuk eshte askush tjeter. Shpresojme qe institucionet te vendosin doren ne zemer dhe te na mirekuptojne ne kerkesen tone. I falenderojme qe e kane lejuar te jete ne varrim por kerkojme te qendroje pak me gjate, te pakten dy dite dhe normalisht me prezencen e policise. Per te tjerat shteti te beje detyren dhe nese ka bere dicka mund te denohet por sot i kerkojme ta lejojne te pakten dy dite qe te qendroje sepse do dalin dy kufoma nga shtepia jone”, tha Fahri Vejuka në një prononcim për gazetarët.
Dje, mbetën të vrarë Astrit dhe Brahim Bilali, vëllezër (i ati dhe xhaxhai i Asmer Bilalit, i arrestuar si pjesë e grupit Bajri). Ata u ekzekutuan nga dy persona pranë shtëpisë së tyre në lagjen Kiras të Shkodrës. /BN/
