Rudina Hajdari, deputetja e Kuvendit të Shqipërisë, cila refuzoi të dorëzonte mandatin duke dalë kundër vendimit të ish-grupit parlamentar të PD-së, ka reaguar sot pas vrasjes së dyfishtë në Shkodër.
Sipas Rudina Hajdarit, edhe pas 28-vitesh politika nuk i ka dhënë zgjidhje terrorit që ushtrojnë bandat në vendin tonë, ndërkohë shton se përgjegjësia e drejpërdrejtë bie mbi qeverinë.
“Vrasjet e njerëzve dhe terrori i shkaktuar nga larja e hesapeve ndërmjet bandave në qytetet e Shqipërisë vazhdon të jetë një ndër shqetësimet më të mëdha të qytetarëve tonë,” – shprehet në një reagim në rrjetet sociale Rudina Hajdari, e cila shtoi më tej.
“Pas 28 vitesh në mënyrë të drejtë qytetarët kërkojnë të gëzojnë frytet e punës për shtet të së drejtës, zhvillim ekonomik, paqe, siguri, mundësi të barabarta, eurointegrim dhe jo të përjetojmë terrorin e përplasjes së bandave. Kjo është përgjegjësi e drejtëpërdrejtë e qeverisë.”
REAGIMET
Të shumtë kanë qenë komentuesit që i kanë kujtuar Hajdarit zgjedhjen e saj për mosdorëzimin e mandatit, duke e cilësuar pjesë të qeverisë.
“Dhe ti pjese e ketyre krimineleve je ate ruge zgjodhe nuk i ngjava herot te demokracise u bere pjese e ketyre kelyshe dhe ti”, është një komentet.
“Ti per ti dhene nje dore kesaj qeverie zgjodhe te ndahesh nga koleget tuaj!”, shkruan një tjetër.
“Ajo qe zgjodhe ti te besh cdo gje qe thua te nxjerr jashte kontekstit!!! Ti je pjese e qeverise dhe parlamentit”, shprehet një komentues.
“ZGJIDHE SE JE ‘VOTUAR’ NGA POPULLI BASHKE ME EDI RAMEN DHE KLYSHET E TJERE”, komenton dikush tjetër.
