Arqipeshkevi i dioqezës Shkodër-Pult, Angelo Massafra ka komentuar ngjarjet e rënda të ndodhura në Shkodër, vrasjen e Ferdinand Polisë dhe të dy vëllezërve Bilali një ditë me parë, gjate meshës në katedralen “Shen Shtjefni” për 200-vjetorin e lindjes të arbëreshit Andon Santori.
Arqipeshkevi Massafra solli historinë e një babai që kishte dy djem ku, njeri syresh e braktis babanë për shkak se nuk i siguron pasuri. Arqipeshkevi u shpreh se fëmijët e sotshëm nuk dine të kërkojnë falje dhe të kuptojnë gabimet e tyre duke sjelle më pas veprime që i çojnë drejt sjelljeve negative si droga apo krimet.
Arqipeshkevi bëri thirrje që të rinjtë të kuptojnë gabimet e tyre, sepse ne momentin kur kupton gabimin aty nis shpëtimi për gjithsecilin. “Vetëm si shkak i krenarisë që kemi kur gabojmë, disa pranojnë që ti fusin plumb kokës dhe të mos tërhiqen edhe kur e dinë se janë gabim. Kjo nuk është gjeja e duhur”, deklaroi Massafra.
Po ashtu, bëri thirrje që njerëzit të mos i bëjnë keq njeri-tjetrit dhe të falin.
