Aktori i humorit, Olsy Bylyku ka qenë gjithmonë i rezervuar mbi jetën e tij private, duke preferuar të mos japë shumë detaje. Megjithatë mesa duket ka ardhur koha që ai të bëjë publike lidhjen me vajzën që ai ka prezantuar në premierën e filmit ‘Dy gisht mjaltë’.
Panorama Plus ka siguruar fotot ku, aktori shikohet nën shoqërinë e një vajze të gjatë, brune. Ata janë fotografuar dorë për dore. Por pavarsisht kësaj aktori ka preferuar të mos tregojë më shumë se aq.
Të vetmet gjëra që mësuam për partneren e aktorit, është emri i saj. Ajo quhet Egi dhe ka studiuar për kanto. Olsi ka preferuar të thotë vetëm dy fjalë për Revistën Who.
“Për momentin mjaftojne fotot që kanë qarkulluar, pasi nuk kam dëshirë të jap informacion më të detajuar, për aq kohë sa vajza në fjalë nuk do që të prononcohet”, ka rrëfyer për revistën Who, duke na lënë të kuptojmë që është partnerja e tij që kërkon privatësi.
