Ish-ministri i drejtësisë, Ylli Manjani, ka komentuar raportin e Departamentit Amerikan të Shtetit, i cili thekson se Shqipëria e qeverisur nga Edi Rama është bërë burim i trafikut të drogës dhe pastrimit të parave.
Me anë të një komenti në Facebook, Manja i shkruan me ironi se nuk i kupton kritikët opozitarë që thonë se Rama nuk e pranon raportin e DASH, pasi ai e ka quajtur pozitive.
Ja postimi i Manjanit:
Këtë radhë nuk i kuptoj kritikët opozitarë, që akuzojnë se qeveria nuk pranon Raportin e DASH…
DASH raporton se Shqipëria e qeverisur nga Edi Rama është qendër burimore e trafikut të drogës dhe pastrimit të parave.
Qeveria nga ana tjetër thotë se “ … kjo (dmth ajo që thotë raporti) është një gjë pozitive..”
Pra jo vetëm e pranon, por edhe e “falenderon” se i konfirmoi qëllimin që kishte Rilindja: të mbjellë drogë e krim masiv në kët vend!
