Banda rumune “Taxi”, e njohur për mesazhet e saj të forta politike, ka lancuar një këngë të re ku sulmon korrupsionin dhe si personazh kryesor në film ka një ndër më të respektuar, Victor Rebengiuc.
Kënga “Ashtu si ato” u botua në YouTube më 26 mars dhe për më pak se 48 orë arriti mbi 265,000 shikime.
“Kënga i dedikohet me dëshpërim të thellë dhe urrejtje të hapur, të gjithë atyre që janë përgjegjës për korrupsionin. Për të gjithë ata! “-shkruhet në përshkrimin e këngës në Youtube.
Video fillon me një paralajmërim se si imazhet mund të ndikojnë emocionalisht shikuesit para se të përqëndrohen në kategoritë sociale të neglizhuara dhe të margjinalizuara në Rumani, si fëmijët dhe të moshuarit.
“Hej, shk*rdhatë / unë nuk dua të prish kokën ose zemrën në tre / Hej ti, nënëq**ë / unë nuk dua që ti të vdesësh / dua që ti të jetosh / dua që ti të jetosh si ne,” – thuhet ndër vargjet e këngës.
Aktori, i cili luan rolin kryesor në videoklip ka marrë pjesë në shumë prej protestave që po zhvillohen në Rumani kundër korrupsionit edhe pse është plot 86 vjeç. Ai gjithashtu dhe mori pjesë në kryengritjen e vitit 1989 kundër diktaturës. Rebengiuc ishte në mesin e njerëzve që sulmuan selinë e Televizionit rumun më 22 dhjetor 1989.
Sa i përket bandës “Taxi”, ajo u formua në vitin 1999 dhe vazhdimisht shkakton polemika.
Një ndër “skandalet” më të mëdha të denoncuara nga banda është shuma e madhe e parave që synonte të shpenzonte kisha ortodokse për ndërtimin e një katedrale të re në Bukuresht.
“Perëndisë i pëlqen druri dhe hapësirat e vogla”, thuhej mes vargjeve të këngës.
