Një fëmijë i cili brenda pak ditëve do mbushte 1 vjeç ka vdekur si pasojë e rënies në një kovë me ujë të nxehtë.
Mjekët punuan pa pushim për të mbajtur në jetë vogëlushin por nuk ja dolën dot. Kova me ujë të nxehtë ishte lënë në një cep shtëpie nga nëna e vogëlushit.
Djali ishte djegur prej ujit të nxehtë në 80 për qind të trupit të tij. Ngjarja ndodhi në fshatin Salhany në rajonin jugor të Ukrainës, Odessa Oblast.
Identiteti i djaloshit është Daniil Chernenko. Zemra e tij ndaloi së rrahuri, pas një gjendjeje krize për 11 ditë. Tetyana Chernenko ishte me djalin e saj kur ai ndërroi jetë dhe shprehet se nuk do ia falë dot vetes atë që ndodhi, shkruan media prestigjoze britanike “Daily Mail”.
Tetyana Chernenko tha se kishte përgatitur kovën me ujë të nxehtë, pasi do të bënte dush.
Ishte vetë ajo që e dërgoi djalin në spital pas ngjarjes së kobshme, por pavarësisht ndërhyrjes së menjëhershme, vogëlushi nuk jeton më.
