Një pikë “Exchange” në lagjen nr.10 në Korçë, që përdorej edhe për transferta parash u grabit mëngjesin e sotëm në Korçë.
Në video autori dallohet teksa futet në pikën e transfertave të parave. Në dorë mban një thikë. Është ora 9:00 e 20 sekonda kur shfaqet autori në video dhe më pas dalohet teksa futet në pikën e transfertave të parave, për të kryer grabitjen.
Autori ishte i maskuar dhe ka arritur të largohet. Dyshohet se janë grabitur 2500 euro dhe rreth 1 milion lekë. Grabitësi ka kërcënuar me thikë punonjësen, ka marrë shumën e parave dhe është larguar.
