Në përfundim të tryezës së përbashkët ku u diskutuan problematikat e medias në vend dhe u dhanë disa propozime për të ndryshuar rrënjësisht situatën e mediave në Shqipëri, kreu i PD-së, Lulzim Basha sqaroi edhe një herë qëndrimin e tij kundrejt gazetarëve. Ai gjithashtu i ftoi ata në një tjetër takim për të vulosur trasnformimin e medias duke dhënë edhe propozime konkrete.
“Problematika e medias nuk është vetëm e medias por edhe e politikës. Jemi në një krizë të thellë përfaqësimi pasi 3 kollonat bazë të demokracisë, që për hir të mbrojtjes së interesave të tyre e kanë kapur edhe median. Media e kapur është problemi, por zgjidhja është me ne. Unë nuk njoh zgjidhje tjetër vec asaj perëndimorë dhe amerikane. KM është bërë i pushtetshëm sepse ai e ka kthyer parlamentin ne një nevojtore për nevojat e qeverisë dhe të grupeve të tij. Zgjidhjet në këtë situate nuk dalin jashtë standarteve dhe normave europiane, në kuptimin e përgjithshëm kjo do të thotë garantimi i ndarjes së pushteteve dhe zgjedhjet e lira. Kjo është një betejë që na bashkon të gjithëve, por është në kulmin e saj që duhet të vazhdojë deri në një fitore. Nëse nuk garantohet një fitore e tillë nuk merr dot rrugë kapja e medias. Sa prej gazetarëve janë pa kontrata? Shumë sigurisht.
Ligji ynë anti-mafia i jep mundësi konkurëncës së lirë dhe kështu i japim fund pronarëve të medias që janë të kapur me krimin. Çlirimi i duarve të drejtësisë nga cdo qeveri, Sot , nesër i jep gazetarëve garancinë që të mos kërcënohen. Sepse drejtësia sot ka frikë ta mbrojë gazetarinë, ka frikë t ëhetojë manipulimin gjigant të dëshmitarit të rremë dhe merret me Jetmir Olldashin në vend që të merret me ata që e thurën këtë intrigë.
Përbetimi im nuk ka vlerë nëse nuk bindemi të gjithë për një bashkëveprim ndaj dua të shpreh gadishmërinë timë që raundin tjetër të kësaj tryeze, do të jenë të gjithë të pranishëm për të vendosur sëbashku për një dokument të përbashkët që do të jetë edhe zotim edhe garanci se nesër gjërat do të ndryshojnë, jo vetëm si vullnet i një partie politike por e të gjithëve neve. Ose do të ndryshojmë të gjithë bashkë, ose demokracia dhe cdo gjë që kemi ngritur do të bjerë dhe kjo e fundit nuk besoj se është një opsion,” u shpreh Basha.
