Mediat spanjolle kanë zbardhur detaje të reja lidhur me 46-vjeçarin shqiptar në Spanjë i njohur si Deda, i cili u gjet i pajetë këtë të mërkurë.
Lidhur me vrasjen e shqiptarit në Spanjë, policia ka nisur hetimet për të zbardhur ngjarjen. Shtypi spanjoll shkruan se dyshimet e para lidhen me implikimin e viktimës në një rrjet mafioz ku ai mund të jetë ekzekutuar për larje hesapesh. Kjo pistë është ngritur menjëherë pasi u zbulua mënyra se si ka ndodhur vrasja, me një plumb në kokë duke e qëlluar në shenjë, pasi ishte vdekje e sigurt.
Dyshohet gjithashtu se kemi të bëjmë edhe me një krim të mirë-menduar më parë pasi viktima është dërguar në një vend shumë larg qendrës së qytetit. Pra, vendi që kanë zgjedhur për të kryer ekzekutimin e viktimës dhe torturat, kanë qenë të përllogaritura që më parë.
Një tjetër pistë e rëndësishme për tu hetuar është fakti se ai mund të ketë pasur ‘miqësi’ me persona nga krimi i organizuar. Disa ditë më pasi ndodhi vrasja, sipas të dhënave që publikoi edhe gazeta ‘La Verdad’, viktima punonte si truproje në një diskotekë ndërsa prej pak kohësh ishte bërë truproje personale në Marbella, një zonë tejet e pasur me aktivitete të jashtëligjshme dhe jetën e natës. Kjo ka bërë që të shtohen dyshimet se në ato zona ku punonte viktima të ishte përfshirë në marrëdhënie me njerëz të implikuar me krimin e organizuar dhe trafikun. /Boldnews.al/
