Sezonin e kaluar fati donte që në ndeshjen finale mes Lacios dhe Interit të ishin zikaltërit ata që do të fitonin 2-3 dhe do të shkonin në Ligën e Kampionëve.
Madje vendosi një penallti e shkaktuar nga Stefan De Vrij, lojtari që në atë kohë kishte nënshkruar me Interin, por luante me Lacion.
Kjo penallti shkaktoi një valë trazirash në Itali dhe tifozët lacialë e akuzuan holandezin se e shkaktoi qëllimisht atë penallti.
Teksa Interi dhe Lacio janë duke u bërë gati për sfidën e së dielës mes tyre, ziklatrit marrin një lajm të hidhur, pasi De Vrij do të mungojë për këtë sfidë.
Mbrojtësi holandez ka dëmtuar kockën që lidh këmbën me legenin dhe nuk do të jetë në dispoizicion të Spaletit.
Tashmë mund të themi se tifozët e Lacios janë më të qetë, për një sfidë që vendos në një pjesë të madhe se cila nga këto dy skuadra do të shkojë në Champions sezonin tjetër.
