Ditën e enjte, opozita pritet të zhvillojë protestën e radhës para parlamentit. Lajmin e ka bërë të ditur ish-deputeti i PD-së Klevis Balliu, nga protesta te “Unaza e Re” në kryeqytet, që zhvillohet çdo ditë, prej më shumë se katër muaj.
“Të dashur miq, ju ftoj që ditën e enjte të bashkohemi për ti treguar çdo qytetari shqiptar dhe mbarë botës që ai parlament që mblidhet sot është një parlament fasadë, ku nuk flitet asnjë fjalë për problemet e qytetarëve. Është një parlament ku flitet për problemet e oligarkëve, është një parlament ku flitet për problemet e Habiljave, për problemet e Tahirit. Nuk është një parlament ku të flasi për qytetarët e Pogradecit, për problemin këtu të ‘Unaza’, për projektin korruptiv. Nuk është një parlament ku të flitet për qindra miliona euro të vjedhura nga buxheti i shtetit, ndaj këtyre qytetarëve shqiptarë. Nuk është një parlament ku të flitet kudër krimit të organizuar, po është një parlament që sponsorizon krimin e organizuar. Dhe atë duhet t’ia tregojmë ne duke u përballur me ta ditën e enjte në parlament. Ne nuk mundet dhe nuk duhet të lejomë që deputetë të ardhur nga vota e krimit të futen te ajo sallë. Se ajo sallë është e juaja”, tha Balliu.
Ai u bëri thirrje qytetarëve për pjesëmarrje:
“Ndaj iu bëj thirrje ditën e enje çdo qytetari shqiptar të vijë e të bashkohet përballë parlamentit për mos ta lejuar atë fasadë të shëmtuar dhe të gjithë bashkë ne mund t’ja dalim, sepse e kemi vërtetuar. Sepse nëqoftëse ka fituar ‘Unaza’, mund të fitojë gjithë Shqipëria. Ndaj takohemi ditën e enjte përballë parlamentit”.
/Boldnews.al/
